Einstaklingsþjónusta
Við veitum einstaklingsmeðferð og ráðgjöf vegna heilsuuppbyggingar, tilfinningavanda og sálrænna erfiðleika. Einnig sérhæfum við okkur í meðferð áfalla, streitu, kulnunar og langvarandi veikinda.
Hefðbundinn tími í einstaklingsmeðferð og ráðgjöf er 50 mínútur. Við leggjum áherslu á að skjólstæðingar fái góðar móttökur og í fyrsta viðtali er rætt um þarfir, væntingar og ástæðu komu. Fagaðilinn metur vandann og leggur drög að meðferðaráætlun í samráði við skjólstæðing.
Skjólstæðingar okkar þurfa ekki að vera með mótaðar hugmyndir eða ástæður þess að vilja koma til fagaðila. Allir eru velkomnir og í fyrstu viðtölunum er farið yfir það hvað hentar best viðkomandi.
Verð fyrir viðtöl miðast við mínútufjölda, hægt er að bóka lengd viðtala eftir þörfum hvers og eins. Algengast er að fólk bóki sér 50 mínútur en hægt er að bóka viðtal frá 30-120 mín í senn.
Dæmi um einstaklingsþjónustu:
Einstaklingsmeðferð og ráðgjöf
Ráðgjöf til foreldra vegna barna og uppeldis
Ráðgjöf vegna ADHD einkenna
Heilsuráðgjöf
Stuðningur vegna áfalla
Meðferð vegna streitu, kulnunar og langvarandi veikinda
Markþjálfun
Handleiðsla stjórnenda og fagmanna