EMDR

EMDR (Eye Movement Desensitization and Reprocessing) er gagnreynd sálfræðileg meðferðaraðferð sem notuð er til að vinna úr áföllum og annarri erfiðri reynslu. Aðferðin er viðurkennd í alþjóðlegum klínískum leiðbeiningum, meðal annars til meðferðar við áfallastreituröskun (PTSD), og hefur einnig sýnt góðan árangur við kvíða, depurð og langvarandi streitu.

​

EMDR byggir á þeirri forsendu að erfiðar upplifanir geti fest sig í minniskerfi heilans og haldið áfram að hafa neikvæð áhrif á líðan, hugsanir og viðbrögð. Í meðferðinni er unnið markvisst með slíkar minningar með það að markmiði að draga úr tilfinningalegri ákefð þeirra og styðja við eðlilega úrvinnslu.

​

Hvernig fer EMDR fram? 

Meðferðin fer fram í viðtölum í skipulögðu ferli þar sem notuð er svokölluð tvíhliða örvun, til dæmis í formi leiðbeindra augnhreyfinga. Sú örvun er talin styðja við vinnslu upplýsinga í heilanum og auðvelda samþættingu minninga.

​

Áhersla er lögð á öryggi, traust og faglega nálgun, þar sem unnið er í samvinnu við skjólstæðing á hans hraða. Markmiðið er að minnka vanlíðan og auka tilfinningalegan stöðugleika.