Um stofuna

Heilsu og sálfræðiþjónustan var stofnuð í mars 2021 af Sigrúnu V. Heimisdóttur, sálfræðingi. Öflugt fagteymi tók til starfa í kjölfarið með það að leiðarljósi að veita vandaða þjónustu fyrir fólk á öllum aldri. Markmið faghópsins er að vinna með heilsueflingu á víðum grundvelli með hefðbundinni þjónustu en geta einnig veitt sérhæfða þjónustu þegar þess þarf. Sérhæfing er á sviði tilfinningavanda, langvinnra veikinda, áfalla- og streituraskana, atferlisfræði, uppeldis-, fjölskyldu- og foreldraráðgjafar.

 

 

Stofan á Akureyri er í góðu húsnæði þar sem eru 6 viðtalsherbergi, hópherbergi/fundarsalur, góð starfsmannaaðstaða og aðgengi er til fyrirmyndar. Lyfta er í húsinu. Heilbrigðiseftirlit hefur vottað að húsnæðið uppfylli skilyrði og gæðavísa.

​​

Áhersla er á starfsánægju og gróanda í starfshópnum okkar. Til að geta starfað af heilindum sem fagmaður er mikilvægt að huga að eigin heilbrigði og vellíðan. Því er lögð áhersla á að vinnustaðurinn sé heilsuverndandi. Að hver og einn geti vaxið og dafnað bæði sem fagmaður og einstaklingur. Það er nærandi að vera hluti af góðri liðsheild og saman deilum við áhuga og leggjum okkur fram til heilsueflingar með skjólstæðingum okkar.

​

Til að tryggja gæði þjónustunnar eru haldnir reglulegir teymisfundir og starfsmenn sækja sér handleiðslu og endurmenntun.

Stofan hefur vottun heilbrigðiseftirlits og starfsleyfi frá Landlæknisembætti.