Thelma er félagsráðgjafi með meistaragráðu í félagsráðgjöf frá árinu 2018 og býr yfir víðtækri reynslu innan velferðarþjónustu. Hún hefur starfað á sviði barnaverndar, félagsþjónustu og geðheilbrigðisþjónustu og hefur jafnframt unnið náið með ungmennum í Berginu headspace þar sem áhersla er lögð á tengslamyndun, stuðning og styrkingu seiglu.

Í starfi sínu vinnur Thelma út frá styrkleikamiðaðri nálgun þar sem lögð er áhersla á að greina, virkja og efla þá styrkleika, bjargráð og verndandi þætti sem einstaklingar búa þegar yfir. Markvisst er unnið að því að styrkja sjálfstraust, auka sjálfsvitund og efla trú einstaklingsins á eigin getu til að takast á við áskoranir og breytingar í lífinu. Einnig nýtir Thelma áfallamiðaða nálgun þar sem tekið er mið af því að erfið reynsla og áföll geta haft djúpstæð áhrif á líðan, hegðun, tengslamyndun og starfsemi taugakerfis. Með því að skapa öruggt, traust og faglegt rými styður hún einstaklinga í að vinna úr reynslu sinni á sínum forsendum og styrkja vellíðan og lífsgæði til lengri tíma.

Í starfi sínu leggur Thelma áherslu á að mæta fólki af virðingu, hlýju og fagmennsku. Hún vinnur með einstaklingum og fjölskyldum í krefjandi aðstæðum og veitir stuðning við foreldra, börn og fjölskyldur ásamt almennri ráðgjöf vegna lífsáskorana, álags og áfalla.